РУБРИКАТОР
Лукин Гаврил Иннокентьевич
1904 с. төрөөбүт. Кини «Үлэһит Бүөччэ» холкуос тутаах, бэйэтин кыанар, отчут-масчыт хара үлэһитэ эбит. 1942 с. от ыйын 26 күнүгэр Үөт Арыыга от охсон куһурҕата сырыттаҕына биир-биэс тыла суох бэбиэскэ туттаран оройуон киинигэр Куонда Кириэскэ киллэрэн, дьонун-сэргэтин кытта астыктык бырастыыласпакка, Дьокуускайга суһаллык киллэрэн, борокуокка Улуу өрүспүт устун сэриигэ атаарбыттар. Поезд обургу лиһиргэтэн-лаһырҕатан Арҕаа боруонҥа тиэрпит. Нууччалыы билбэт 38 саастаах саха саллаата пехотаҕа сулууспалаан муҥнаммыт. Тэтиэнэх буолан атын буойуттартан хаалсыбакка харса суох сэриилэспит. Боруоҥҥа сэриигэ тиийбит күһүнүгэр улаханнык бааһыран 2749 нүөмэрдээх эвакуационнай госпиталга 26.09.1942 с. өлөөхтөөбүт. Ханна көмүллүбүтэ биллибэт.
Кини бииргэ төрөөбүт инитэ Семен Иннокентьевич эмиэ сэрии бэтэрээнэ.