РУБРИКАТОР
Кайгородов Василий Петрович
1909 сыллаахха ахсынньы 23 күнүгэр Нам улууһун Бөтүҥ нэһилиэгэр дьадаҥы ыалга төрөөбүтэ. 1930 сыллаахха ЫБСЛКС чилиэнэ. 1935 сыллаахха Дьокуускайдааҕы рабфакка студенныы киирбитэ уонна 1938 сыллаахха бүтэрбитэ. Ленинградка юридическай институту үөрэнэн бүтэрбитэ.
1942 с. бэс ыйын 1 күнүгэр Ленинградтан сэриигэ барбыта. Атырдьах ыйын 5 күнүгэр бомбалааһын кэнниттэн ыараханнык бааһырар. Үтүөрэн баран 719-с батальоҥҥа Череповец куорат таһыгар аэродром тутуутугар үлэлэспитэ. 1942 сыллаахха ыам ыйыгар Львов куоракка үөрэххэ барбыта. Үөрэҕин бүтэрэн сэриилэһэ сылдьар армия командирынан,танковай дивизияҕа, гвардейскай-механизированнай биригээдэҕэ сылдьыбыта. Кини Курскай Тоҕойго кыттыбыта.
Харьков, Тамаровка, Белгород куораттары босхолооһуҥҥа кыттыбыта. Днепри туорааһыҥҥа, Кировоград, Львов, Краков куораттары босхолоспута. Германия сиригэр Леобицу куораты ылыыга кыттыбыта. Дахау диэн байыаннай билиэннэйдэр лааҕырдарын босхолоспута. Люхенвальд, Потсдам, Браденбург, Биттенбург, Берлин куораттары ылсыбыта. Чехословакия киин куоратын Праганы босхолоспута.
Сэрии кэнниттэн атырдьах ыйыттан сэтинньигэ диэри Львов куорат аттыгар баар баандалары суох оҥорсубута.
1945 сыл сэтинньитигэр 5-с корпуһу кытта Афганистан границатын туораабыта. Онтон ити сыл ахсынньытыгар тыа хаһаайыстыбатын специалиһа буоларын иһин демобилизацияламмыта. Кировоград куоракка ревизорунан үлэлээн баран дойдутугар Дьокуускайга Верховнай суут чилиэнэ буолар. Василий Петрович юстиция органнарыгар 30 сыл үлэлээбитэ. Пенсияҕа тахсан баран 1973-1980 сыллаахха диэри юридическай консультацияҕа советнигынан үлэлээбитэ.
Бойобуой наҕараадалара: Икки Кыһыл Сулус орден. Мэтээллэр: «Берлины ылыы иһин», «Праганы босхолооһун иһин», «Германияны кыайыы иһин».
Из наградного листа на Кайгародова В.П.
В боях под хутором Красное Знамя 14 июля 1943 г. гвардии лейтенант Кайгородов В.П. особо отличился, командуя взводом роты ПТР. Взвод гвардии лейтенанта Кайгородова стойко и смело вел бои с танками противника, достигающих до 50 шт. взвод лейтенанта Кайгородова подбил 4 танка. Остальные танки повернули назад. Все атаки противника отбиты с большими потерями для него. Гвардии лейтенант Кайгородов смело, стойко и умело командовал взводом.
За проявленную храбрость и мужество и за умелое командование взводом гвардии лейтенанта Кайгородова представляю к правительственной награде - ордену Красной Звезды.
Командир роты противотанковых ружей гвардии старший лейтенант ТУЗОВСКИЙ, 19 июля 1943 г.
Архив МО СССР, ф. 33, оп. 682526, д. 1733, л. 325. Подлинник. Рукопись.
// Вклад народов Якутии в дело Победы (1941-45 гг.): документы и материалы. 1.1. / Якутия на фронтах Великой Отечественной войны Советского Союза. -Якутск, 1995. - С. 257-258.