РУБРИКАТОР
„МИИГИН СУОХТААМАН"'
(офицер Азаров фронтан суруктара)
Азаров Егор Архипович 1919 с. 1 Хомустаах нэһилиэгэр төрөөбүтэ. 1936 с. Нам ситэтэ суох орто оскуолатын бүтэрбитэ.
Сэрии саҕаланаатын кытта сэриигэ бастакы барааччылары кытта I Хомустаах Жданов колхоһугар үлэлии сылдьан барбыта. Уонча буоланнар уруккута таҥара дьиэтин таһыгар мустаннар дьоннорун, аймахтарын, олохтоохтору кытта бырастыылаһан ыраах ыарахан суолга аттаммыттар.
Читаҕа тиийэн инженернэй сэриилэри бэлэмниир чааска хас да ый устата үөрэнэн лейтенант званиетын ылбыта.
Фроҥҥа тиийээт, Сталинград оборонатыгар бөдөҥ бөлөх төгүрүйүллүөр диэри охсуһуу кутаа уотугар сылдьыбыт. Сапернай взвод командирынан сылдьан 1943 с. өстөөх күүстээх уотун анныгар инники кыраайга кини взвода 400-кэ минаны ииппит уонна улахан үрдэли ылыыга кыттыспыттар. Кини сапердара ити кэнниттэн киэҥ сиртэн өстөөх ииппит миналарын ыраастаан пехота кимэн киирэригэр бэлэмнээбиттэр. Бу бойобуой соруктары чиэстээхтик толорон лейтенант Азаров Кыһыл Сулус орденынан наҕараадаламмыт. Ити туһунан музейга Азаров личнэй дьыалатыгар наградной лист баар. Уонна «Колхоз сирдьитэ» хаһыакка 1944 с. I Маайдааҕы нүөмэригэр «Лейтенант Азаров» диэн ыстатыйа бэчээттэммит.
Гвардия лейтенана Азаров Харьков, Полтава, Кривой Рог иһин кыырыктаах кыргыһыыларга кыттыбыт. Кини Украинаны босхолуур иһин тиһэх кыргыһыылартан биирдэригэр 1943 сыллаахха бэйэтин үүнэн иһэр оло5ун толук уурбута.
Мантан салгыы Егор Азаров фронтан дьонугар, балтытыгар суруктарын хайдах баарынан уларытыыта суох бэчээттиибит.
АҔАБАР, БЫРААППАР, БАЛТЫБАР.
Мин 30/IХ—41 с. Читаҕя тиийдим. Службаҕа, үөрэххэ киирдибит. Доруобуйа, сылдьыы бэрт. Арамааны, Баһылайы көрсөбүн, чугастар, доруобайдар. Уйбаан, Бөдүөт 4/1Х—кэллилэр билбэтим кэннэки көссө иликпин. Условия үчүгэй, үөрэх да куһаҕан буолуо суоҕа. Сурукта суруйуҥ, телеграммалааҥ маннык адреска (город Чита, Почтовый ящик № 105 Азарову Е. А.).
Аҕаа, төһөҕө үтүөрэн, үлэлээн эрэҕин, сыллыырым үөрэнэр дуо? Маппый! Охонооһой, Ариша, Мариша, Дьэбдьиэй ханна, тугу гыналлар? Абаҕам ээх төһө бэккэ олороллор? Яковлев баар дуо? Итилэри хайаан да суруй. Уонна үөһээ ааттаммыт дьоҥҥо этиҥ суруйдуннар. Миигиттэн куттанымаҥ, сүохтаамаҥ. Мин үчугэйгэ тиийэ — армияҕа службалыыбын. Мүччүрүйбэт ытык эбээһинэспнн толоро сылдьабын, кинини честаахтык толоруом.
Пакаа Прощайдарыҥ! Суруйуҥ эһи Дьөгүөркэҕит.
8/1Х-41 с.
ОҔОБОР ЛИНАҔА
Тоойуом мин үчүгэйдик сылдьабын, доруобуйам үчүгэй — эн курдук эмиэ үөрэнэбин — үөрэхпэр үчүгэйбин, онон учуталларым мөхпөттөр. Директорбыт, учуталларбыт тылын истэбит. Онтон эн эмиэ үчүгэйдик үөрэн — отличница аатын ыл. Тээтэҥ уонна учуталларыҥ тылын истэр буол класска мэнигилээмэ. Аны үөрэнэр улахан киһи буоллаҕын дии бэйэҥ доруобуйэҕын харыстан сиикэй ууну иһимэ, хаһан да атах сыгынньаҕын сылдьыма, тымныыга сыгынньаҕын таһырдьа тахсыма. Итинэн Мин сүбэм бүтэр. Тоойуом мин эһиэхэ хойуут-хойүут өрөбүл ыллахпына барыам, онуоха дылы ахтыма — улаат үөрэхтээх киьи буол. Тээтэҥ миэхэ сурук суруйдаҕына — бэйэҥ билэргинэн эммиэ суруй. Эдьиийдэргэр эммиэ эт суруйдунар. Манан суруйарым бүтэр Аны саэс карточкэҕа түһэн ыытыам. Сыллыыр манна биһиэхэ хаар харааран харалдьык тахсан эрэр. Сүүскүттэн сыллаан хааллым эн убайыҥ Дьөгүөркэ.
Кулун тутар 15 күнэ 42 с.
Иркутскай куорат.
1 2