РУБРИКАТОР
СЭРИИ, ҮЛЭ ВЕТЕРАНА, НОРУОТ МААСТАРА
Мин, Ядрихинскай Николай Иванович, 1926 сьгллаахха муус устар 15 күнүгэр Нам улууһун Модут нэһилиэгэр Евдокия Семеновна, Иван Дмитриевич Ядрихинскайдар дьиэ кэргэттэригэр бастакы оҕонон күн сирин көрбүтүм. Ийэбит бастыҥ ыанньыксыт, аҕабыт колхоз төһүү үлэһитэ этилэр. Иккиэн стахановецтар, сэрии сытларыгар «Кгмбиэниээх үлэлэрин иһин» медалынан, грамоталарынан наҕараадаламмытгара.
Мин эмиэ дьоммун кыета кыра эрдэхпитгэн тэҥҥэ үлэлэһэн, олох ыарахаттарын билэн улааппытым. Аҕабар көмөлөһөн, оҕус сиэтээччинэн сылдьан, мас-от тиэйсэр, сүөһүлэри хомуйан аҕалан ийэбэр ынах этэрсэр, ньирэй аһатыһар этим.
Миигин 9 сааспар ийэлээх аҕам үөрэх сырдыгын батыһыннаран «Большевик» колхозтан II Модукка 1 кылааска үөрэттэрэ киллэрбиттэрэ. Кэлин Хатырыкка, сана оскуола тутуллан, салгыы онно үөрэнэ барбытым. Куличкин Сэмэннээххэ олорон 4 кьшааһы бүтэрбитим.
Онтон сут дьыл буолан үөрэхпин тохтотон, колхоз үлэһитэ буолбутум. 12 сааспыттан атынан от мустарааччынан, онтон 15 сааспыттан от оҕустарааччынан үлэлээбитим. .17 сааспар Кэбээйи оройуонутар Сииттэҕэ, 2 сыл аҕам табаарыһыгар Никииппэргэ, бултка үөрэггэрэ таарыйа, бултата ыыпныта.
1944 сыл бэс ыйыгар ытык иэспин толорон Советскай Армия кэккэтигэр ыҥырыллыбытым. Икки ый Чита куоракка байыаннай чааска үөрэппиттэрэ. Күһүн винтовка саа туттаран Японияны утары сэриигэ ыыппыттара. Винокуров Бүөтүр, Харигонов Сүөдэр уонна мин буолан Харбин куоракка тиийэн билиэн ытыллыбыт дьоппуон саллааттарын харабыллаабыппыт. Билиэн тутуллубут саллааттарга сэрии сэбин хомуйтаран баран, поезд вагоннарыгар тиэйтэрэрбит. 4 киһи 200-түү дьоппуон саллаатын харабыллыырбыт.
Сылтан ордук сылдьан баран ыаддьан, сэлликкэ ылларан Улан-Удэҕэ госпитальга 3 ый эмтэммитим да, үтүөрбэккэбин 1946 сыллаахха атырдьах ыйын 20 күнүгэр I группалаах инбэлиит буолан дойдубар төннүбүтүм. Дойдубар кэлэн салгыы быраас Потапов Александр Георгиевичка эмтэммитим. Бырааһым тыҥабар үөскээбит ууну оботторон тыыннаах хаалбытым.
1948 сыллаахха олоҕум аргыһын, Таастаах нэһилиэгиттэн төрүттээх Уус Бүөтүр кыыһын, Кривошапкина Мария Петровналыын, көрсөн ыал буолбуппут. Тоҕус оҕоҕо күн сирин көрдөрөн улаатыннартаатыбыт. Сиэттэр, хос сиэттэр элбэхтэр.
Үтүөрэн, 1949 сылтан ферма биригэдьииринэн, сэбиэт деггутатьшан талыллан үлэлии сырыттахпына, 1955 с. Мархаҕа үс ый ветеринардар курстарыгар үөрэтгэрэ ыппыттара. Бу идэбинэн 20 сьш үлэлээбитим. 1962 сыллаахха осеменатор идэтигэр үөрэнэн, пенсияҕа тахсыахпар диэри үлэлээбитим. Пенсияҕа да тахсан баран таах олорботоҕум. 3 сыл совхозка осеменатордаабытым, сайынын атынан ыалтан үүт таспытым, кыһынын мас күрдьэх оҥорон совхозпар көмөлөспүтүм. Сайынын ЛТО-ҕа атынан от оҕустараачч ынан үл эл ээбитим.
1990 сылтан ыла саас баттаан, дьиэбэр олорон, оҕолор биллиннэр-көрдүннэр диэн мастан, талахтан саха омук туттар сэбин-сэбиргэлин, иһитин-хомуоһун оҥорбутум. Кэргэмминээн Мария Петровналыын 1995 сыллаахха «Симэх» галерея быыстапкатыгар кыттан «Норуот маастара» аатын ылбыппыт.
«Японияны утары сэрии кыттыылааҕа» мэтээлинэн, үгүс Бочуотунай грамоталарынан, Махтал суруктарынан наҕараадаламмытым.