РУБРИКАТОР
Ядреев Николай Афанасьевич
(1925-1980 сс.)
Наҕараадалара:
Аҕа дойду сэриитин II степеннээх уордьана;
«Бойобуой үтүөлэрин иһин» мэтээл;
«1941-1945 сс. Аҕа дойду сэриитигэр Германияны кыайыы иһин» мэтээл;
Юбилейнай мэтээллэр.
Ядреев Николай Афанасьевич Нам улууһун Үөдэй нэһилиэгэр 1925 с. ыам ыйын 19 күнүгэр төрөөбүтэ. 1942 с. сайын ыһыах буола турдаҕына, бэйэтинэн тылланан 17 саастаах уол уоттаах сэриигэ барбыта.
I Украинскай фронт 582-с стрелковай полкатыrap сулууспалаабыта. 1943 сылга диэри Тула, Харьков, Одесса куораттары босхолооһуҥҥа кыттыбыта, сэрии алдьархайын этинэн-хаанынан билбитэ. Брянскай уобалас хааннаах хонуутун устун сылдьан буулдьа иһиирэрин, снарядтар тоҕута тэбэллэрин эт бэйэтинэн билбитэ. Сэриигэ сахалар ааттарын түһэн биэрбэтэҕэ. Сэриилэспит чааһыгар комсомольскай тэрилтэ сэкирэтээринэн сылдьыбыта.
1943 с. ыараханнык бааһыран, суолга тахсан өйүн сүтэрбитин кырдьаҕас оҕонньордоох эмээхсин булбуттар. Онон, тыыннаах хаалбытым диэн хара өлүөр диэри махтанар этэ. Байыаннай госпитальга сытан, эмтэнэн салгыы сэриилэһэр туруга суоҕунан сыыйыллыбыта уонна 1944 с. саас дойдутугар Свинобоев И. И. кытта аргыстаһан кэлбитэ.
Сэрииттэн кэлэн баран, «Нам» сопхуоска оробуочайынан үтүө суобастаахтык үлэлээбитэ. 55 сааһыгар, сэриигэ ылбыт өстөөҕүн буулдьатын содулуттан, биһиги кэккэбититтэн өлөн туораабыта.