РУБРИКАТОР
ЭҺЭМ СЭРИИГЭ СЫЛДЬЫБЫТА
Ядреев Алексей Михайлович 1919 сыллаахха олунньу 20 күнүгэр Үөдэй нэһилиэгэр Табалаах диэн кыра алааска төрөөбүтэ. Дьонноро дьадаҥылар. Бииргэ төрөөбүт 5 оҕо: Ылдьаана, кини, Баһылай, кыралара Марта. Табалаахха 2 ыал баара үһү.
Нэһилиэктэн ыраах буолан ким да сылдьыбат эбит. Арай сылгыһыттар хам-тум таарыйаллара.
Кини үөрэх диэни кыра сааһыттан билбэтэх. Кинилэртэн балтараа көстөөх сиргэ танара дьиэтэ баар үһү. Ону Степанов Тихон Петрович диэн аҕабыт оҕолору үөрэтэр сир гыммыт. Онно Эверстов Михаил Иванович, Саввин Захар Прокопьевич, Обутов Павел Иванович, Сергеев Петр Дмитриевич, Зырянов Алексей Егорович, Яковлев Дмитрий Дмитриевич I үөрэммиттэр. Ол кэмҥэ аҕата өлөн хаалан кыайан үөрэммэтэх. 1915 с. убайыгар Ыльдааҕа биэрбиттэр. 18 сааһыгар дылы олорбут. 19 сааһыгар кэргэннэммит. Икки кыыстаахтара өлбүттэр. Кэргэнэ олус ыарахан олоххо олорон 4 сыл буолан баран өлөн хаалбыт. 1926 с. ликбезка үөрэммит, син ааҕар, суруйар буолбут. 1931 сыллаахха колхозка 5 ыанар ынаҕы, 2 оҕуһу, 4 сылгыны, 1 атыыры холбоон колхозка 2 сыл үлэлээбит. 1936-1942 сс. диэри ферма сэбиэдиссэйинэн үлэлээбит.
Сэрии саҕаланыаҕар диэри нэһилиэк сэбиэтин секретарынан үлэлээбит. 1942 с. сэриигэ ынырыллан барбыт. Дьокуускайтан хомуллан бараат Челябинскайга байыаннай үөрэххэ балаҕан ыйыттан 1943 с. муус устарга дылы үөрэммит. Ыам ыйыгар фроҥҥа барбыт, кини Украинскай фронт 5-с гвардейскай армиятыгар барбыт. Полк майора Муратов нуучча этэ. Үс улахан атаакаҕа сылдьыбыт. Үсүһүгэр илиигэ таптаран Кемеровскай госпитальга 1943 с. алтынньы 20 дылы сыппыт. Октябрь бырааһынньыгар дьиэтигэр барбыт. Кэлэн 5 сыл налоговай агенынан, 1950-55 сс. леснигинэн, онтон 2 сыл совхозка биригэдьииринэн, онтон 1962 с. завхоһунан үлэлиир.
Саргылапа Ильина,
сиэнэ, Үөдэй