РУБРИКАТОР
Эверстов Никита Константинович I
1921 сыллаахха төрөөбүтэ. Колхозка үлэлии сылдьан, 1942 сыллаахха Искраттан сэриигэ барар. 62-с артиллерийскай полкаҕа түбэспит. 1942 сыл - уот сэрии кэмэ, уһуннук үөрэтэ барбаккалар эрэ сэриигэ утааран иһэллэрэ.
Поеһынан айаннаан истэҕинэ, немец самолёттара эмискэ буомбалаабыттара. Манна Никита араанньы буолар уонна улаханнык контузияланар. Онтон сылтаан дойдутугар төттөрү төннөн кэлэр.
Дойдутугар кэлэн колхоз председателэ, биригэдьиирэ, сылгы биригэдьиирэ буолуталыы сылдьыбыта.
Кэлин сылгы боруодатын тупсарыыга үлэлэспитэ, сүүрүк аттары бэлэмниирэ. Сылгы боруодатын уларытаары атын сиртэн боруода аты аҕалаллара.
1950-1960 сыллаахха дьон бары сэрии кэнниттэн дойдуну тупсарыыга түүн-күнүс диэни аахсыбакка өрө күүрүүлээхтик үлэлээбиттэрэ.
Никита Константинович 1959 сыллаахха күһүн сылгыга бырахтаран өлбүтэ.
Наҕараадалара: Кыһыл Сулус орден, «Аҕа дойду Улуу сэриитигэр килбиэннээх үлэтин иһин» мэтээл.