РУБРИКАТОР
САХА БУОЙУН САЛЛААТА - ПУЛЕМЕТЧИК
Кыһыл сулус уордьан кавалера, Кутузов уордьаннаах 242-с Горнострслковай Таманскай дивизия пулеметчига Игнатий Эверстов Арҕаа фронтга 1942 сыллаахха ахсынньы ыйга сэриигэ барар, биир ый айаннаан Тамань куоракка тиийэн, отдельнай Приморскайармия 242 №-дээх горнострелковай полк 3 стрелковай ротаҕа түбэспит. 1944 сыл тохсунньу ыйыгар Крымҥа Керченскэй проливынан киирэн Керчь куоракка тиийэ фашист талабырдьыттарыттан Ийэ дойдутун босхолоспута.
Онтон муус устар ый 11 күнэ буолар түүнүгэр Феодосия, Симферополь, Балаклава куораттарынан Сапун Гораҕа ньиэмэстэр күүскэ (Симферополь) бөҕөргөтүммүт сирдэригэр ыам ыйын 4 күнүгэр тиийбиттэр. Икки күнүнэн полк Безымяннай сопканы босхолообут. Бу киирсиигэ олус сүтүктэммиттэр, 3 ротатыттан 3 эрэ буолан тыыннаах хаалбыттар, ол аата 120 киһиттэн 2,5% эрэ ордор. Кинилэр Хара муора кытылыгар Казачья Бухта диэн тумултан салгыы куораттан 2 километрдаах Севастополь куоратынан Крымы босхолооһуну түмүктээбиттэр. Кэлин 1951 сыллаахха командира уордьан биэрэргэ Правительствоҕа сурук түһэрэн кэлин хаһыакка ыстатыйа тахсан, элбэх киһи кини хорсуннук сэриилэспитин туһунан соһуйа истибит. Ол курдук, наҕараадаланар лииһигэр маннык суруллубут: «В боях за освобождение Крыма от немецких захватчиков в период 6-7 мая 1944 года в районе городов Севастополь и Балаклава (Крымская АССР) тов. Эверстов показал себя действительно храбрым воином по уничтожению противника. Во время наступления его всегда можно было видеть только в передних рядах наступающих подразделений. В бою за Безымянную высоту он первым добрался до огневой точки противника и гранатами уничтожил ее расчет, что способствовало беспрепятственному продвижению стрелковых подразделений. При отражении контратаки противника из своего личного орудия уничтожил 5 немецких солдат. За проявленную отвагу в выполнении боевой задачи командования тов. Эверстов достоин Правительственной награды ордена Красной звезды. Командир 890-го Горнострелкового полка гвардии полковник Серов, начальник штаба майор Чумаков».
Эверстов Игнатий Степанович бойобуой суолун туһунан «Вклад народов Якутии в дело Победы в 1941-1945 годы» диэн кинигэҕэ маннык суруллар: «Эверстов Игнатий Степанович красноармеец, 1924 года рождения, уроженец Хатын-Арынского наслега Намского района Якутской АССР, якут, в годы войны член ВЛКСМ. Призван в армию в 1943 году. Участвовал в Отечественной войне с 5 января 1944 года пулеметчиком 890-го (Т) Горнострелкового полка 242- й Горнострелковой Таманской краснознаменной ордена Кутузова». Нуучча улуу суруйааччыта А.Н. Чехов «У человека все должно быть прекрасно и лицо, и внешность, и душа» диэн турардаах. Бу этиигэ биһиги аҕабыт, эһэбит хос эһэбит олус да дьүөрэлэһэр. Кини сахаҕа орто уҥуохтаах кэтит, киппэ көрүҥнээх, будьурхай баттахтаах, хара буолан баран ис киирбэх дьүһүннээх, хап-хара хойуу хаастардаах, арылхай харахтаах (хара) эбитэ үһү.
Үөһэ ахтыллыбытын курдук, Кынаачай лоп-бааччы санаалаах, сытыары-сымнаҕас майгылаах, көнө, чиэһинэй, үлэһит киһи эбит. Уопсай дьыаланы куруук инники күөҥҥэ тутар этэ. Кытаанах санаалаах, биир тыллаах, ол гынан баран, дьон үөрүүтүн-көтүүтүн тэҥҥэ үллэстэр амарах сүрэхтээҕэ.
Түмүктээн эттэххэ, Эверстов Игнатий Степанович, ол курдук, кини көнө, үтүө майгылаах, кытаанах, хорсун санаалаах, үлэҕэ-үөрэххэ дьулуурдаах эрээри, саха киһитин сиэринэн олус сэмэй киһи эбит. Баҕар, кини бу хаачыстыбаларын төрүттэриттэн утумнаабыта, удьуордаабыта буолуо, баҕар, иитиитэ оннук буолуо. Ханныгын да иһин, кини киһилии кэрэтэ, олорон ааспыт олоҕо ыччакка, үүнэр көлүөнэҕэ үтүө холобур буолуо диэн эрэнэбит.
Валерия ЧУПРОВА,
И.Е. Винокуров аатынан Хатыҥ-Арыы орто оскуолатын 4-с кылааһын үөрэнээччитэ