РУБРИКАТОР
Бинтиэпкэнэн " мессершмити" суулларбыта
Мин аҕам, Винокуров Василий Степанович, 1942 сыллаахха хо-нуу биригэдьииринэн үлэлии сылдьан бэс аармыйаҕа ыҥырыллыбыта.
Арҕаа тиийэн аатырбыт 4-с гвар-дейскай Сталинградскай Кыһыл зна-мялаах, Суворов уонна Кутузов уор-дьаннардаах механизированнай куор-пус 13-с биригээдэтигэр стрелогунан, кэлин 4-с Украинскай фронт 19-с арт-дивизиятыгар артиллериһынан сэриилэспитэ.
Гвардия рядовойа Василий Винокуров хайдах курдук хорсуннук сэриилэспитин
орудиетын хамандыыра Н. Симбирцев Кыайыы 47 сылыгар көрсүһүүлэрин
кэнниттэн оччотооҕу
"Социалистическая Якутия" өрөспүүбүлүкэтээҕи
хаһыакка маннык холобурдаан суруйан, туоһ-улаан турар: "... биирдэ 1943
сыл күһүнүгэр өстөөх "мессершмидтэрэ" биһиги орудиебытын
атаакалаабыттара. Бэрт алларанан көтөн кэлэн,
эргийэ сылдьан бэйэбитин "бултаспыттара". Элбэх табаарыстарбытын
өлөрбүттэрэ. Биир ордук кэрээнэ суох немец "ас" летчига быһыылаах,
үсүһүн эргийэн, алларанан уун-утары көтөн истэҕинэ,
Вася бинтиэпкэтинэн ытан табан суулларан түһэрбитэ. Өстөөх истребителэ
умайа-умайа фашистар бөҕөргөтүнүүлэрин
инники линиятыгар, бэйэлэрин
территорияларыгар тиийэн сууллубута. Өскөтүн ити самолет биһиги
территориябытыгар сууллубута буоллар, Василийга Сэбиэскэй Сойуус
Дьоруойун аата иҥэриллиэхтээҕэ.
Биһиги, туоһулар, Василийбыт дьоруойдуу быһыытын үрдүкү командованиеҕа
дакаастаабатахпыт."
Биһиги аҕабыт
үс аҥар
сылтан ордук кэмҥэ
сэриилэһэр кэмигэр Арҕаа
Европа дойдуларын Румынияны, Болгарияны, Чехословакияны, Венгрияны,
Югославияны, Австрияны босхолоспута. 1945 сыл ыам ыйын 7 күнүгэр
Австрияны босхолооһуҥҥа
өстөөх бөҕөргөтүнүүтүн
тоҕо
көтүүгэ орудиетынан 4 пулеметнай туочуканы, бойобуой
таһаҕастаах
массыыналары, повозкалары суох оҥордо
диэн 19-с дивизия командирын наҕараадаҕа
түһэрэр лииһигэр суруллубут. Рядовой Василий Винокуров Аҕа
дойду сэриитин уонна Албан аат 7
III
степеннээх
уордьаннарынан, элбэх бойобуой мэтээллэринэн наҕараадаламмыта.
Василий Степанович сэрииттэн этэҥҥэ эргиллэн кэлэн дойдутугар холкуоска, лесхозка, промкомбинакка таһаарыылаахтык үлэлээбитэ. Үс кыыс, соччо уол, барыта алта оҕолонон эйэлээх олоххо дьоллоохтук олорбута. Оҕолоро бары үрдүк үөрэхтэнэн, идэлэнэн, ыал аҕалара, ийэлэрэ. Үгүс сиэннэрдээх, хос сиэннэрдээх. Биһиги аҕабытынан, эһэбитинэн киэн туттабыт. Бары дьоһун-мааны ыал буолбуппутугар аҕабытыгар махтанабыт, кини сырдык аатыгар сүгүрүйэбит, кэриэстиибит. Кини олоҕун салҕыыбыт.
Ирина ОХЛОПКОВА,
орто кыыһа, СӨ үөрэҕириитин туйгуна, үлэ бэтэрээнэ