РУБРИКАТОР
ВИНОКУРОВ АЛЕКСЕЙ АВКСЕНТЬЕВИЧ
Винокуров Алексей Авксентьевич 1926 сыллаахха кулун тутар 25 күнүгэр Нам оройуонун II Модут нэһилиэгэр орто бааһынай кэргэнигэр төрөөбүтэ. 1943 с. 9-с кылааһы бүтэрэн баран Намнааҕы МТС рабочайынан үлэлээн иһэн 1944 сыл кулун тутар 15 күнүгэр Советскай армияҕа ыҥырыллыбыта. Кини бастаан Забайкальскай байыаннай уокурукка сулууспалаабыта. Кинини кытта доҕотторо, Нам уолаттара: Эверстов В.Е., Шестаков Л.Ф., Харлампьев И.К., Татаринов И.Л. уо.д.а. бааллара. Онтон баҕа өттүнэн тылланан Арҕаа фроҥҥа суоппарынан сэриилэһэ барбыта. Ол баран Польша сиригэр Ченетохов босхолоспута. Кини Польшаны, Германияны, Чехословакияны босхолоспута. Берлини ылыыга кыттыбыта, Праганы босхолоһууга актыыбынай кыттыыны ылбыта. Кыайыы күнүн Прага куоракка көрсүбүттэрэ. Кини маршал Рыбалко командующайдаах «3-с танковай армия 384 №-дээх тяжелай артиллерийскай полк прорава» сылдьан сэриини түмүктэспитэ. Сэрии бүппүтүн кэннэ байыаннай сулууспата салҕанан барбыта.
Аны фашистскай Германия батталыттан босхоломмут Европа норуоттарын эйэлээх олохторун көмүскэлигэр сылдьыбыта. Ол курдук, кини сулууспалаабыта: Германияҕа, Чехословакияҕа, Венгрияҕа, Румынияҕа, Болгарияҕа, аҕыйах кэмҥэ Австрияҕа. Бэс ыйыгар 1950 с. Советскай армия кэккэтиттэн демобилизацияламмыта, төрөөбүт дойдутугар үлэлээн барбыта. Кини суоппарынан, учууталынан, механигынан үлэлээбитэ.
Алексей Авксентьевич сэриигэ уонна эйэлээх олоххо актыыбынайдык кыттыбытын иһин мэтээллэринэн наҕараадаламмыта:
1. «За взятие Берлина»
2. «За освобождение Праги»
3. «XXX лет Советской Лр-мии»
4. «50 лет Вооруженных сил СССР»
5. «20 лет Победы Великой Отечестненной войне»
6. «25 лет Победы ВОВ»
7. «50 лет Якутской АССР (значок)
1974 с. М. Винокурова ах-тыытыттан суруйда Хатырык ветераннарын сэбиэтин салайааччыта.
Е.Н. Слепцова