РУБРИКАТОР
ЭЙИЭХЭ, ХОРСУН БУОЙУННА
Таайбар, хорсун сэрииһит, Ушницкай Платон Дмитриевичкэ
Умнуллубат киһи-аймахха
Умайар ыар сылларга,
Баҕа санааҕынан эн барбытыҥ
Дойдугун, норуоккун көмүскүү.
Охсуһуу хааннаах хонуутугар,
Кыргыһыы кырыктаах сиригэр,
Бары ыары тулуйаҥҥын,
Эн хорсуннук сылдьыбытыҥ.
Модун күүстэр түмсэннэр
Олоҕу былдьаһар кэмнэригэр,
Харьков куорат анныгар,
Өстөөх кырыктаах буулдьата
Таарыйан ааспыта төбөҕүн.
Өстөөх ол ыар дьайыыта
Кыайбатах эбит - эйигин,
Кыайыы өрөгөйдүүр сылыгар,
Олоҕуҥ үөрүүлээх күнүгэр,
Түөскэр элбэх мэтээллээх
Дойдугар этэҥҥэ кэлбиккин.
Барҕа махтал буоллун,
Эйиэхэ, хорсун буойуҥҥа!
Самныбат саргылаах
Сахам хорсун саллаатыгар!
Саша Жителев,
9 кыл., Бөтүҥ орто оскуолата