РУБРИКАТОР
Хорсун сэрииһит, хоодуот үлэһит
Урут Нам оройуонугар I Атамай диэн нэһилиэк баара. Бу нэһилиэк элбэх ыччаттара оройуон киинигэр үөрэнэллэрз, үлэһит буолан оройуон араас нэһилиэктэригэр тарҕанан олохсуйаллара. Ол да иһин буолуо Хатырык нэһилиэгэр Атамай диэн учаастак баар. Бу учаастакка өрдеөҕүтэ аҕыйах балаҕан дьиэлэр турбуттара. Оттон кэнники экспедиция олохсуйан сыалай бөһуөлэги туттубута. Кинилэр кеспүттэрин кэннэ дьиэтин үксүн атын сирдэргэ көһөрөн ылбыттара.
Ол да буоллар Атамай сорох дьиэлэрэ ордон хаалбыттара. Аҕыйах сылтан бэттэх манна совхоз рабочайдара учүгэй оҥоһуулаах типовой дьиэлэри тутталлар. Хатырык отделениета саҥа, аныгылыы бедөҥ хотоннору туттарар. Онон Хатырык сүеһүтэ-аһа үксэ бу учаастакка түмулүннэ.
I Атамайга терөебүт-уөскээбит Тимофеев Михаил Никифорович туһунан оройуон олохтоохторун билиһиннэриэхпин баҕардым. Кини Намҥа үөрэнэн сэттэ кылааһы бүтэрбитэ. Учууталлар тиийбэт эрдэхтэринэ 1931-1936 сс. Хатыҥ Арыы уонна Кебөкөн начальнай оскүолаларыгар учууталлаабыта. Кэнники Сангаарга улэлээбитэ. 1939 сылтан Кэбээйи оройуонугар үп салаатыгар налоговой инспектор этэ.
Ол улэлии сырыттаҕына 1941 сыллаахха немецкэй халабырдьыттар советскай Ийэ дойдубутугар уоран сэриинэн саба түспүттэрэ. Ити сыл Михаил Тимофеев армияҕа ыҥырыллан балаҕан ыйыттан илиитигэр саа-саадах тутан өстөөбү утары кыргыспыта. Кини 617-с стрелковай полкаҕа сулууспалаабыта.
1942 сыл олунньуга суостаах кыргыһыы кэмигэр ыараханнык бааһырбыта. Сыҥааҕын уҥуоҕун, тылын аҥарын уонна уөһэ-аллара тиистэрин мэлиттэрэн өйө-төйө суох сыттаҕына госпиталга илпиттэр. Онно ыам ыйа бутүөр диэри эмтэнэн баран тереөбүт дойдутугар эргийэн кэлбитэ.
Сэрииттэн төһө да эмсэҕэлэннэр дойдутугар эргийэн кэлээт үлэ үөһүгэр түспүтэ. Үгэһинэн үп салаатьгар налоговой инспекторынан үлэлээбитэ. Үчүгэй үлэтин иһин «Финансовай сулууспа туйгуна» буолбута, хаста да харчынан бириэмийэлэммитэ. Бочуотунай грамотанан наҕараадаламмыта.
М.Н. Тимофеев 1972 сыллаахха 60 сааһыгар Нам селотугар олорон ыалдьан өлбүтэ. Кэргэнэ Тимофеева Лукерья Алексеевна билигин Нам селотугар олорор. Улахан кыыһа Евдокия учууталынса, аччыгый кыыһа Татьяна үлэлии-үлэлии онус кылааска үөрэнэр.
М. Барамыгина