РУБРИКАТОР
Черноградскай Дмитрий Дмитриевич
(1918-1946 сс.)
Наҕараадата: «1941-1945 сс. Аҕа дойду сэриитигэр Германияны кыайыы иһин» мэтээл.
Черноградскай Дмитрий Дмитриевич 1918 с. Үөдэйгэ төрөөбүт. Түөрт кылаас үөрэхтээх. «Пушкин» холкуоска үлэлии сылдьан 1941 с. атырдьах ыйын 5 күнүгэр сэриигэ барарга бэбиэскэ туппут. Ол күн «Пушкин» холкуостан ыҥырыллыбыттар: Черноградскай Дмитрий Дмитриевич, Эверстов Гаврил Иванович, Эверстов Роман Гаврильевич, Эверстов Иван Афанасьевич, Ядреев Семен Петрович, Посельскай А.П. уонна Сухоев В.П. Читаҕа ый курдук бастаан үөрэммиттэр, онтон поезка олордон Монголияҕа илдьибиттэр, онно тиийэн арахсыбыттар.
Дмитрий Дмитриевич 1942 с. атырдьах ыйын 13 күнүгэр сэрииттэн эргиллэн кэлбит. «Пушкин» холкуоска суотчутунан үлэлии сылдьан 1945 с. ыалдьан өлбүт.