РУБРИКАТОР
ПОТАПОВ ДМИТРИЙ ИННОКЕНТЬЕВИЧ
1913 сыллаахха Нам оройуонун Көбөкөн нэһилиэгэр сэтинньи ый 8 күнүгэр дьадаҥы кэргэҥҥэ төрөөбүтүм. 1921 сыл маҥнайгы кылааска Хайгыалаах оскуолатыгар үөрэнэ киирбитим уонна бастакы кылааһы бүтэрэн дьонум дьадаҥы буолан кыайан салгыы үөрэммэккэ хаалбытым. Кэлин ликпууҥҥа үөрэнэн бэйэм наадабын ааҕар уонна суруйар буолбутум.
1929 с. земледелгэ Харыйалаах учаастагар суруксутунан сылдьыбытым.
1930 с. «Уйбааҥка» табаарыстыба тэриллибитэ, онно чилиэнинэн киирбитим.
1931 с. «Уйбааҥка» колхоз тэриллибитэ, онно чилиэнинэн киирбитим.
1931-1933 сс. бу колхозка кыладыапсыгынан уонна кассирынан үлэлээбитим.
1934 с. бу колхозка суотчутунан үлэлээбитим.
1934-1941 сс. атырдьах ыйын 7 күнүгэр дылы хонуу биригэдьииринэн бу колхозка үлэлээбитим.
1942-1945 сс. бэс ыйын 20 күнүгэр дылы Советскай аармыйаҕа 250-с туспа стрелковой батальоҥҥа 1 №-дээх наводчигынан станковай пулемётка сылдьыбытым. Бу сылдьыбыт чааһым Забайкальскай военнай уокурукка киирэрэ.
1946-1947 сс. «Уйбаанка» колхозка хонуу биригэдьииринэн сылдьыбытым, Ааллаах Үүҥҥэ 87 көтөллөөх обуоска эмиэ 4 ый биригэдьииринэн үлэлээбитим.
1947-1950 сс. дылы ферма сэбиэдиссэйинэн колхозка үлэлээбитим.
1950-1955 сс. хонуу биригэдьииринэн үлэлээбитим.
1955-1956 сс. заправщик, почтальон уонна участковай балыыһаҕа кладовщигынан үлэлээбитим.
1958-1961 сс. колхозка хара үлэҕэ сылдьыбытым.
1961-1963 сс. колхоз бырабылыанньатын уурааҕынан сэпэрээтэринэй пууҥҥа үлэлээбитим.
1963-1973 сс. «Мясомолпромҥа» эти тутар приемщигынан үлэлээбитим.
1973 с. пенсияҕа тахсыбытым уонна үс сыл М.К. Аммосов совхозка Харыйалаах отделениетыгар кочегарынан үлэлээбитим. Онтон кэлин күн бүгүнүгэр дылы пенсияҕа олоробун оҕолорбун кытары.
Ахтыыны оҥордум Потапов Дмитрий Иннокентъевич
06.04.1990 с.