РУБРИКАТОР
УБАЙДЫЫ-БЫРААТТЫЫ ПОЛИЩЕНКОЛАР
(Семен, Федор, Афанасий, Филипп, Илья Федоровичтар)
Нам улууһун Никольскай сэлиэнньэтигэр олохтоох Федор Яковлевич уонна Анна Сидоровна Полищенколар биир дьиэ кэргэнтэн түөрт уолларын сэриигэ атаарбыттара. Улахан уолаттара Федор, Афоня сэрииттэн эргиллибэтэхтэрэ.
Бастакы уол Федор 1911 сыллаахха төрөөбүтэ. Колхоз турук үлэһитэ 1942 сыллаахха бэс ыйын 26 күнүгэр иккис улахан хомуурга бүтэһэн сэриигэ барбыта. 1943 сыл от ыйын 28 күнүгэр хорсуннук сэриилэһэ сылдьан Ворошиловскай уобалас Сталинградскай оройуон Степановка дэриэбинэтин иһин охсуһууга охтубутун уонна көмүллүбүтүн туһунан хара сурук кэлбитэ.
Иккис уол Афанасий 1913 сыллаахха төрөөбүтэ. 1941 сыллаахха бастакы хомуурга армияҕа ыҥырыллыбыта, 1944 сыл алтынньы ыйыгар диэри сэриилэсгштин уонна сураҕа суох сүппүтүн туһунан биллэрии кэлбит. Арай 01164 нүөмэрдээх полевой почтата ыйыллыбыт.
Үһүс уол Филипп 191.5 сыллаахха эмиэ Никольскайга төрөөбүт. 1941 сыл от ыйыгар убайа Афанасийы кытта биир хомуурга түбэһэн сэриигэ ыҥырыллыбыта. Арҕаа, Илин фроннарга сэриилэспит, дойдутугар 1945 сыл атырдьах ыйыгар кэлбитэ. Аҕа дойду сэриитин II степеннээх орденынан, «Бойобуой үтүөлэрин иһин», «Германияны кыайыы иһин», «Японияны кыайыы иһин» медалларынан, 12 төгүл Главнокомандующай И. В. Сталин махтал суругунан наҕараадаламмыта.
ПОЛИЩЕНКО ФИЛИПП ФЕДОРОВИЧ
Икки кыайыыны түмүктэспитэ
Никольскайга Анна Сидоровна Полищенко эрдэ огдообо буолбуга. Кини биэс оҕону иитэн улаатыннарбыта. Улахан уолаттар Федя уона Афоня ыал буолбуттара. Анна Сидоровна эбээ буолан сиэннэрин көрөрө.
Ити олордохторуна сэрии буолбута. Филипп уонна Афанасий бастакы ыҥырыыга барбыттара. Оттон иккис ыҥырыыга кинилэр бырааттара Федор уонна Илья барар буолбуттара. Анна Сидоровна түөрт уолун сэриигэ атаарбыта. Кини кыыһынаан Иралыын хааланнар кыайыы туһугар, өстөөҕү үлтүрүтэри түргэтэтэр туһугар тыыл хоһуун дьонун кытта тэҥҥэ үлэлэспиттэрэ.
1943 сыллаахха Афанасий Полищенко Соловьевск дэриэбинэ иһин кыргыһыыга өлбүтүн туһунан биллэрии кэлбитэ. Оттон Федор 1944 сыллаахха кыргыс толоонугар эмиэ геройдуу охтубута. Ити кэнниттэн Анна Сидоровна аччыгый уолаттарыттан Филиптэн уонна Ильяттан суруктары ылан санаатын аралдьытара. Кини ити икки уола сэриини түмүктэһэн баран дойдуларыгар эргиллэн кэлбиттэрэ.
Филипп Федорович Полищенко Днепри мүччүргэннээх туорааһыҥҥа баара. Кини онтон Венгрияны, Румынияны, Болгарияны, Чехословакияны босхолуур кыргыһыыларга кыпыбыта. Верховнай Кылаабынай Командуюшай махтал суругун уон икки төгүл ылбыта. Немецкэй-фашистскай s халабырдьыттары кыайыы күнүн - ыам ыйын 9 күнүн Прагаҕа көрсүбүтэ.
Саллаат Филипп Полищенко ити кэнниттэн атын буойуннары кытта илин диэки айаннаабыта. Японскай милитаризмы угары, Квантунскай армияны урусхаллыыр кыргыһыыларга кыттыбыта. Кини Японияны кыайыы үөрүүтүн Порт-Артурга көрсүбүтэ.
Икки кыайыыны түмүктэспит, элбэх бойобуой медалларынан наҕараадаламмыт хорсун сшшаат Филипп Полищенко Улуу Кыайыы 35 сьшын үрдүк үөрүүнэн көрсөр.
М. Барамыгина