РУБРИКАТОР
ХОЛОБУР БУОЛАР
Биһиги аҕабыт Павлов Семен Петрович 1921 сыллаахха Нам оройуонун Бөтүҥ нэһилиэгэр дьадьаҥы дьиэ кэргэнигэр төрөөбүтэ.
1938 с. Нам сэлиэнньэтин 7 кылаастаах оскуолатын бүтэрбитэ. 1940 сылллаахха дылы Ботүҥ нэһилиэгин Сэбиэтин секретарынан үлэлээбитэ. 1940 с. Якутскай куораты тыа хаһаайыстыбатын техникумугар агроном салаатыгар үөрэнэ киирбитэ.
Үөрэнэ сылдьан 1941 с. атырдьах ыйыгар Советскай армияҕа ыҥырыллар. 1942 с. сэтинньитигэр 212 полк Сталинградскай фронт 49 стрелковай дивизиятыгар рядовойунан сэриилэһэр.
1942 с. ахсынньытыгар Сталинград куорат уоттаах оборонатыгар уҥа атаҕар таптаран госпитальга киирэр. Онно атаҕын тобугун аннынан ампутациялыыллар. 1943 с. күһун Советскай армия кэккэтиттэн Аҕа дойдуну көмүскүүр сэрии инбэлиитин быһыытынан босхолонор. Дойдутугар кэлэн 1943 с. "Үлэһит Бүөтүр" колхоз счетоводунан үлэлиир. 1952 с. Аҕа дойду инбэлииттэрин профоскуолатын туйгуннук үөрэнэн бүтэрэн бухгалтер идэтин ылар. 1954 с. Карл Маркс аатынан колхоз кылаабынай бухгалтерынан ананан 1971 с. алтынньытыгар дылы үлэлиир. 1971 с. алтынньытыттан колхоз М.К. Аммосов аатынан совхоз отделениета буолар. «Саҥа тэриллибит совхозка кылаабынай бухгалтерынан үлэлии бар» диэн көрдөспүттэрин доруобуйатынан акккаастанан отделение старшай бухгалтерынан үлэлии хаалар. Ол үлэлии сылдьан 1972 с. ахсынньытыгар эмискэ ыадьан өлөр. Ити үлэлиир кэмнэригэр үлэтигэр көрдөрүүлэрин иһин элбэх мэтээллэринэн, грамоталарынан наҕараадаланар. Олортон саамай сүрүннэрэ: "Слава" З степеннээх 734172 №-дээх уордьана, «За Победу над Германией», «За доблестный труд в ВОВ 1941-1945 гг.» мэтээллэр, үбүлүөйдээх мэтээллэр.
Аҕабыт олорон ааспыт олоҕо биһиэхэ, оҕолоругар, Аҕа дойдуга бэриниилээх буолуу уонна үлэҕэ сыһыан холобура буолар.
Мария Семеновна Попова,
улахан кыыһа