РУБРИКАТОР
Леонтьев Иван Николаевич
(1920-1972 сс.)
Наҕараадалара:
«Ленинград оборонатын иһин» мэтээл;
«Хорсунун иһин» мэтээл (2 төгүл наҕараадаламмыт);
«Берлины ылыы иһин» мэтээл;
«Бойобуой үтүөлэрин иһин» мэтээл;
«1941-1945 сс. Аҕа дойду сэриитигэр Германияны кыайыы иһин» мэтээл;
«1941-1945 сс. Аҕа дойду сэриитигэр килбиэннээх үлэтин иһин»
Юбилейнай мэтээллэр.
Иван Николаевич 1920 с. Нам улууһун Таастаах нэһилиэгэр төрөөбүт. Кэлин Үөдэйгэ кэлэн олохсуйбут. Оҕо эрдэҕиттэн холкуос үлэтигэр окко-маска үлэлээбит. Онтон тутууга биригэдьиирдээбит. Аҕа дойду уоттаах сэриитигэр 1941 с. от ыйыгар ыҥырыллыбыт. 17-с штурмовой, инженерно-сапернай Краснознаменнай Гатчинская биригээдэ саллаатынан сэриигэ сулууспалаабыт. Ленинград куораты блокадаттан босхолуурга кыттыбыт, икки төгүл «Хорсунун иһин» мэтээлинэн наҕараадаламмыт.
Сэриигэ сылдьан үстэ бааһырбыт, ону маннык справкалар туоһулууллар: «Справка о ранении верхней части грудной клетки», «Справка о ранении лица и глаз», «Справка о нижней трети левого плеча». Полевой госпиталларга эмтэнэ-эмтэнэ чааһыгар төннөн испит. Түөрт сылы быһа сэриилэһэн Германияҕа Берлин куоракка, Рейхстагка тиийэн сэриини сержант званиелаах түмүктэспит.
Иван Николаевич 1946 с. дойдутугар эргиллибит. Сэрииттэн кэлэн баран, тутууга болуотунньугунан, холкуос, сопхуос үлэтигэр сүөһү көрөөччүнэн үлэлээбит.