РУБРИКАТОР
ФЕДОР БИИР СУРУГА
Ф. Е. Крыжановскай Нам оройуонутар Үөдэй нэһилиэгэр «Кыһыл Сулус» колхозка правление председателинэн үлэлээбитэ. Сэрии иннинээҕи сылларга Нам оройуонун райсоветыгар тыа хаһаайыстыбаннай отделга инструктордаабыта. Армияҕа колхоз кадрдарын квалификацияларын үрдэтэр республиканскай оскуолаҕа үөрэнэ сылдьан барбыта. Сэриигэ 1941 с. бэс ыйын 10 күнүгэр ыҥырыллыбыта. Кини сэрииттэн эргиллибэтэҕэ, 1943 сыллаахха олунньута сураҕа суох сүппүт.
Соловьев Григорий Спиридонович уонна Соловьева Мария Егоровна!
Мин сылдьабын, доруобуйа ханнык эрэ. От ыйын 6 күнүгэр 1942 сыл хаҥас илиибинэн араанньы буолан госпитальга сытабын, Тамбов куоракка. Эһиги хайдах олороҕут, доруобуйаҕыт төһө бэрдий? Аҕыйах сүөһүгүт төһө бэркэ турарый? Атын аймахтарым хайдах олороллоруй? От-бурдук тахсыыта хайдаҕый, бу дойдугаэ дэхси бэрт. Мин баҕатыйабын эн уонна Маарыйа (балтым) буолан доруобуйаҕыт уонна усулуобуйаҕыт тупсарыгар. Ону тэггэ хаһан да куһаҕан ааты ылбаккытыгар - Киргиэлэй, Маарыйа. Мин төрөөбүт Ийэ дойдум көмүскэлин уонна ССРС көнүл норуота өстөөх илиитигэр киирбэтин уиһин өстөөх Германияны утары сэриигэ сылдьабын. Икки төгүл араанньы буоллум.
Мин өссө инникитип да ахсаабакка гитлеровскай Германия армиятын хааннаах тарбаҕын быһарга охсуһуом. Кыһьш Армия өстөөҕү сотору эбэтэр 1942 сыл иһинэн ССРС иһиттэн ыраастыа. Оттон эһиги общественнай-колхознай производствоны бөҕөргөтөргө, үгүс үүнүүнү ыларга, онон Кыһыл Армия тыылын бөҕөргөтөргө үлэлиэхтээххит. Өстөөххө охсуулаах харданы биэрии Кыһыл Армия тыылын бөҕөргөтүүттэн тутулуктаах.
Быраһаайдарыҥ, манан бүттүм. Өссө суруйуом. Бары аймахтарбар, табаарыстарбар приветтэ тириэрдиҥ.
Эһиги аймаххыт
Федор Егорович Крыжановскай
от ыйын 15 күнэ, 1942 с.