РУБРИКАТОР
Колесов Петр Николаевич
(1905-1987 сс.)
Колесов Петр Николаевич, мин өйдүүрбүнэн, 1942 с. иккис хомуурга сэриигэ ыҥырыллан барбыта. Онтон мин начальнай кылааска үөрэнэ сырыттахпына, өлбүтүн туһунан нэһилиэккэ биллэрии кэлбитин иһитиннэрбиттэрэ, онно ийэм ытыырын өйдүүбүн.
Аҕам үөрэҕэ суох буолан биирдэ да сурук суруйбатаҕа. Бэйэтэ кэпсииринэн 1943 с. сэриигэ бааһыран, госпитальга сытан эмтэнэн тахсарыгар салгыы фроҥҥа барар кыаҕа суоҕун иһин үлэ фронугар анаабыттар. Онно украинка кыыһы кэргэн ылан үс оҕоломмуттар (2 кыыс, 1 уол). Краснодарскай кыраай Кутаиси куоратыгар олорбуттар, кэлин переселение быһыытынан Иркутскай уобаласка кэлэн олохсуйбуттара. Мин ЯГУ-га үөрэнэ сылдьан 1960 с. сайын бара сылдьыбытым. Сэрии инбэлиитэ буолан үлэлээбэт этэ. Ол кэнниттэн кэргэнин кытта олордун диэн дойдутугар кэлэрин туһунан санааны эппэтэҕим.
Е.П. Рожина
1