РУБРИКАТОР
БУОЙУН ААТА ҮЙЭТИТИЛИННЭ
«Уважаемая Вера Гаврилъевна!
Пишут Вам члены поисковой группы «Поиск» клуба воинов запаса «Боец» п. Верхнеднепровский Дорогобужского района Смоленской области. Сообщаем Вам, что Ваш отец гвардии красноармеец 84-й гвардейской дивизии, 579-го стрелкового полка Готовцев Гавриил Иванович действительно погиб смертью храбрых за освобождение Смоленщины и был похоронен в селе Петрыкино Дорогобужского района. Позднее останки погибших были перезахоронены в братскую могилу в селе Алексено, где фамилия Вашего отца стоит под номером № 574.
Сообщаем Вам как можно добраться до места захоронения:
По Московской ж.д. до станции Сафоново. Село Алексино 45 км. От ст. Сафоново курсирует автобус (2раза в денъ). Остановится можно в гостинице «Юбилейная» пос. Верхнеднепровский (это промежуточная станция от г. Сафонова до Алексино)
Председателъ клуба воинов запаса «Боец» Голубков Сергей.
П. Верхнеднепровский 215770
р-ктХимиков 12/56
Клуб воинов запаса «Боец»».
Маннык ис хоһоонноох суругу биһиги нэһилиэкпит олохтооҕо, тыыл уонна үлэ ветерана Готовцева Вера Гаврильевна ыраах Смоленскай уобаластан туппута. Вера Гаврильевна төрөппүт аҕата 1942 сыллаахха сэриигэ ыҥырыллыбыт. Бу суругу тутаат Вера Гаврильевна төрөппүт уола Альберт Афанасьевич Артемьев Смоленскай уобаласка эһэтэ көмүллэ сытар сиригэр бара сылдьыбыт. Барарыгар эһэтин аатын, хас сыллаахха төрөөбүтүн, хас сылллаахха өлбүтүн, ханнык сиртэн төрүттээҕин суруллубут плита оҥотторон уонна төрөөбүт дойдутун ийэ буорун илдьибитэ.
«Здравствуйте уважаемая Вера Гаврильевна!
С приветом и наилучшими пожеланиями к Вам командир Дорогобужского поискового отряда «Боец» Голубков Сергей.
Хочу сразу поставить Вас в известность, что привезенная Алъбертом могилъная доска на вашего отца Готовцева Гавриила Ивановича, погибшего в Дорогобужском районе в августе 1943 года, установлена нашим отрядом на месте захоронения, в районе села Алексино, у памятников погибшим воинам.
Памятник погибшим воинам расположен на территории детского санатория, где за ним постоянно ухаживают.
В 1996 году на территории мемориала было захоронено еще 125 останков красноармейцев найденных нашим поисковым отрядом.
Огромный привет всей вашей семье. Здоровъя Вам, счастъя. Сергей Голубков».
Альберт Афанасьевич эһэтэ сэриилэспит сириттэн буор уонна көмүллэ сытар кылабыыһатыттан, эһэтин аата суруллубут плитаны хаартыскаҕа түһэрэн аҕалбыта.
Бу ахтыыны Аҕа дойду сэриитин кыттыылааҕа, үлэ, тыыл, колхознай тутуу ветерана Винокуров Василий Семенович биэрбит. Кини Гавриил Иванович кэргэнин бииргэ төрөөбүт быраата эбит.
«Аҕа дойду Улуу сэриитин кыттыылааҕа Готовцев Гавриил Иванович 1909 с. Уус-Алдан улууһун Баатаҕай нэһилиэгэр дьадьаҥы бааһынай кэргэҥҥэ төрөөбүтэ. Төрөөбүт нэһилиэгэр түөрт кылаастаах оскуоланы бүтэрэн баран, Нам улууһугар Түбэ нэһилиэгэр колхозка араас үлэлэри үлэлии сылдьан, кэргэн ылбыта. Онтон сотору аҕыйах сылга үлэлии түһэн баран, Дьокуускай куоракка киирэн финансовай техникумҥа суот-учуот отделениятыгар үөрэммитэ. Үөрэҕин бүтэрдэҕин сыл Горнай улууһун киинигэр Бэрдьигэстээххэ сельпо председателинэн ананан үлэлээбитэ.
1938 с. кэргэнэ ыалдьарынан сибээстээн Нам улууһун Кыһыл-Талаһа нэһилиэгэр «Каганович» аатынан колхозка суотчутунан ананан көһөн кэлбиттэрэ. Ити сыл кэргэнэ -Матрена Семеновна оҕолонобун диэн хаана баран өлбүт.
Гавриил Иванович ыраас дууһалаах, сытыы-хотуу, нууччалыы-сахалыы ыраастык саҥарар этэ. Күнүһүн суотугар үлэлиирэ, киэһэтин улахан дьону ааҕарга-суруйарга үөрэтэрэ. 1942 с. атырдьах ыйыгар Аҕа дойду сэриитигэр ыҥырыллан барбыппыт. Биһиги Чита уобалаһыгар тиийбиппит кэннэ тус-туспа араартаан кэбиспиттэрэ. Миигин - илин, Гавриил Ивановиһы - арҕаа. Мин 1947 с. бэс ыйыгар Японияны кыайыы кэнниттэн, этэҥҥэ эргиллэн төрөөбүт дойдубар кэлбитим.
Гвардеец, кыһыл армеец Готовцев Гавриил Иванович 1943 с. атырдьах ыйын 8 күнүгэр Смоленскай уобаласка 84-с гвардейскай дивизияҕа, 597-с стрелковай полкаҕа Смоленскайы босхолооһуҥҥа хорсуннук өлбүтэ. Кинини Смоленскай уобаласка Дорогобужскай оройуонутар Петрыкино селоҕа көмпүттэр.
Гавриил сэриигэ барарыгар икки оҕо хаалбыта. Кыргыттара Анна уонна Вера. Саамай уоттаах сэрии бириэмэтэ буолан, ас-таҥас суоҕа бэрдиттэн иккиэннэрин тус-туспа ыалга аҕалара сэриигэ барарыгар хааллартаабыта. Аннаны Уус-Алдан улууһугар абаҕатыгар Готовцев Андрей Ивановичка, Вераны бииргэ төрөөбүт эдьиийигэр Леонтьева Пелагея Ивановнаҕа.
Анна Гаврильевна 1947 с. сэттис кылааска үөрэнэ сылдьан, куордаан баран тымныйан өлбүт».
Онтон Вера Гаврильевна Чурапчы көһүүтүн кыттыылааҕар Артемьев Афанасий Никифоровичка кэргэн тахсан, түөрт оҕону төрөппүтэ. Билигин биһиги нэһилиэкпит ытыктабыллаах олохтооҕо, элбэх сиэн, хос сиэттэр тапталлаах эбээлэрэ. Бэйэтэ өр сылларга «Нам» совхозка үтүө суобастаахтык үлэлээбитэ.
Онон, буойун Гавриил Иванович сырдык олоҕун кини сиэттэрэ, хос сиэттэрэ салгыыллар. «Аҕам аатын ааттатар, олоҕун салгыыр киһи элбэх диэн» - Вера Гаврильевна киэн тутта кэпсиир.
Володя Соловьев, кыраайы үөрэтэр куруһуок
үөрэнээччитэ, «Сайдыы» оҕо айымньытын дьиэтэ, I Хомустаах