РУБРИКАТОР
Гоголев Егор Афанасьевич — саха булчута, сэрии снайпера
Саха булчута, сэрии снайпера Гоголев Егор Афанасьевич Арбын нэһилиэгэр Чэркээччигэ Эбэ диэн сиргэ ыам ыйын 5 күнүгэр 1926 с. төрөөбүт. Алдан өрүс уҥуоргу өттүттэн, 1932 с. аҕалара Гоголев Афанасий Андреевич Арбыҥҥа «Ворошилов» холкуоска киирэн, көһөн кэлбитэ. Егор Афанасьевич Арбын начальнай оскуолатыгар 1933 с. 7 саастааҕар үөрэнэ киирбит. Кини 1937 с. 4 кылааһы бүтэрэн баран салгыы үөрэммэтэх. Холкуос араас үлэтигэр кыра эрдэҕиттэн үлэлээбит. Аҕата булчут буолан булка үөрэппит. 1941 с. сэрии буолан, нэһилиэктэн сэриигэ дьону хомуйбутунан барбыттар. Егор Афанасьевич аҕата Афанасий Андреевич 1942 с. сэриигэ барбыт. Аҕата армияҕа барбытын кэннэ, көрдөһөн туран, холкуоска кадровай булчут буолбута. Кини 1942-1944 сс. бастыҥ булчут аатын ылан хаһыакка хайҕанан тахсара, харчынан премия ылара. Сут сылларга дьиэ кэргэнин, аймахтарын, чугас билэр дьонун, кырдьаҕастары бултаан аһатара, көмөлөһөрө. Көмөтүн иһин махтал тыллары истэрэ, дьон алгыһын ылара. Егор Афанасьевич 1944 с. сэриигэ 18 сааһыгар ыҥырыллыбыта. Монголия границатыгар рядовой саллаатынан, Япония сэриитигэр булчут буолан снайперынан сылдьыбыт. Егор Афанасьевич Монголия Чойбалсан, Кытай Югодар куораттарыгар сылдьыбытын, Японияны кыайыы кэнниттэн 200 километры 2-3 суукка ууну испэккэ сатыы айаннаан эрэйдэммитин ахтар. Сэрии бүппүтүн кэннэ, Егор Афанасьевич салгыы морской пехотаҕа сулууспалаабыта, 1950 дойдутугар кэлбитэ. Дойдутугар кэлэн баран, 1951 с. пенсияҕа тахсыар диэри Бүлүү нефтеразведочнай экспедициятыгар бурильщигынан, слесарынан үлэлээбитэ. Егор Афанасьевич сэриигэ кыттыбытын, үлэҕэ килбиэнин иһин элбэх наҕараадалардаах: «Бочуот Знага», Октябрскай революция орденнара, «Үлэҕэ килбиэнин иһин», «Үлэ бэтэрээнэ», «Японияны кыайыы иһин», «Недра разветкатыгар үтүөлэрин иһин» мэтээллэр. Бүлүү улууһун бочуоттаах гражданина. Егор Афанасьевич 4 оҕолоох, алта сиэннэрдээх. Пенсияҕа тахсан баран куоракка көспүтэ. Кини сыл аайы төрөөбүт Арбыныгар кэлэн барар. Егор Афанасьевич атын да сиргэ олордор, биһиги оскуола үөрэнээччилэрэ биир дойдулаахпытын, сэрии бэтэрээнин убаастыыбыт, ытыктыыбыт.
Марк Колесов,
8 кылаас үөрэнээччитэ
.