РУБРИКАТОР
Габышев Никита Иванович
(1918-1983 сс.)
Сэрии, үлэ ветеран. Үлэтин 1935 сылтан «Ойуур сулуһа» промартыалга суруксутунан саҕалаабыта. 1937-1940 сс. II Хомустаах маҕаһыыныгар, кэлин наспотугар атыылааччынан үлэлээбитэ. 1944 с. Советскай Армияҕа ыҥырыллан барбыта. Забайкальскай фроҥҥа сулууспалаабыта. 1946 с. дойдутугар эргиллэн кэлэн, «Буойун», «Калинин», «Правда» холкуостарга биригэдьииринэн, от звенотун салайааччытынан, ревизионнай комиссия бэрэссэдээтэлинэн, кэлин «Нам», »Комсомольскай» сопхуостарга рабочайынан уһун сылларга үлэлээбитэ. Оҕолоро, сиэннэрэ Намҥа, Литваҕа, республика араас улуустарыгар олороллор. Наҕараадата: «Японияны кыайыы иһин» мэтээл.
Мин 1944 сыл бэс ыйын 11 күнүгэр аармыйаҕа барбытым. Маҥнай Мальта станцияҕа, онтон илин Забайкальскай байыаннай фроҥҥа, командующай, маршал Малиновскай Р.П. дивизиятын, 92-с штаба, 292-с полкаҕа сулууспалаабытым. Үксүн сатыы хааман Чанчунь куоракка тиийбитим. Уу, килиэп суоҕа, кыһалҕа, эрэй элбэх этэ. Советскай границаны туорааһыҥҥа сылдьыбытым иһин «Японияны кыайыы иһин» мэтээлинэн наҕараадалаабыттара. 1946 сыллаахха бэс ыйын 20 күнүгэр дойдубар эргиллэн кэлбитим. Холкуоска, сопхуоска баар кыахпынан үлэлээбитим. II Хомустаах нэһилиэгэ үүнэ, үөскүү турдун. Ыччаттарга киэҥ, ыраас, дьоллоох олоҕу, үлэни, үөрэҕи баҕарабын. Туругурдун Кыайыы күнэ! Туругурдун Эйэ!
.