Кундутук саныыр төрөппуттэрбэр, балыстарбар, быраатым Сеняҕа, табаарыстарбар: Савва, Сеня, ус Мотяларга, Коляҕа, Яшкаҕа, Катяҕа, Гришаҕа, Нютаҕа, Евдокияҕа, Настяҕа, Васяҕа, Маняҕа уо.д.а. Иван Евсеевтан, 20/VШ 41 с.

 

Ытыктабыллаах аймахтарым уонна бииргэ үөскээбит табаарыстарым, барыгытыгар эҕэрдэ!

Биһиги бары даҕаны үчүгэйдик сылдьабыт. Ыҥырыллыбыт сирбитигэр атырдьах ыйын 13 күнүгэр тиийдибит. Төрдүө буолан пулеметнай ротаҕа түбэстибит: мин, Семен, Ганя, Константин, уоннааҕы табаарыстарбыт стрелковайга бааллар. Өрөбүл суох, онон хам-түм көрсөбүт.

Эһиги соһуйумаҥ, биһиги бэрт сотору эбэтэр биир ый үөрэнэн баран Ийэ дойдуну көмүскүү сэриигэ барабыт.

Эһиги билэҕит, билиҥҥи сэрии элбэх сиэртибэни эрэйэр, онон баҕар ол дойдуга төбөбүт уҥуоҕа көмүллүөҕэ. Оччоҕо даҕаны курус түһүмэҥ - эһиги иннигитигэр, дойду иһин охсуһар сүппэт иэспит. Ол эрээри кыайыы биһиэнэ буолара кырдьык. Хаанымсах өстөөх син кыаттарар күнэ кэлиэ. Оччоҕо биһиги дьоллоох дойдубутугар эһигини кытта бииргэ буолуохпут.

Ыччаттарга улахан махтал, эһиги көрдөөххүт, манна кэлиэххэ диэри эйэлээх табаарыстарбынаан бииргэ оонньоом, көрүлээн атаардыбыт. Оҕонньор да буоллахпына итинниктэри сириэм суоҕа, олоҕу бэһиэлэйдик атаарыахха, ол мин санаабар күндү. Онон бэһиэлэй буолуҥ, биһиги курдук табаарыстар көстүөхтэрэ.

Мин эһигиттэн биирдии бэйэҕит эбэтэр уопсай даҕаны суруйаргытыгар баҕарабыи. Только адреспыт биллибэт, номерыиан буолуо этэ. Ити этиллибит түөрт боецтан биирдэспит киэнэ адреһа билиннэ да суруйар буоллаххытына баҕар успейдыа этигит. Телеграмма сатаан сылдьыбат.

Семеннаах Татый, ийэлээх аҕаҕытыгар көмөлөһөөччүнэн хааллыгыт. Быраат эн үөрэн, Татый хаһыаты ааҕары кытаат. Вера миигин дьоммуттан сураһан истэр буол, оҕолор бары даҕаны дьоммор суруйдахпына ьыан ааҕар буоларгытыгар баҕарабын.

Айаммар дневник оностубутум да таҥаспын кытта кыайан хаалларбатым. Максим уонна ийэм хаһыат сонунун аахтаран истин\

Баҕар эһиилгэ дылы тиийиэм, онуоха дылы быраһаайдарыҥ! Биһиги аарагган телеграммалары уонна суруктары ыыппыппыт.

Чэ, итинэн бүтэр, аны эһиэнэ кэлэрин күүтүөм, адрес билиннэҕинэ.

 

Эһиги уолгуг уонна

бииргэ үөскээбит табаарыскыт

И. Евсеев

 

Бу 20 числатааҕы сурук тиийбитин туһунан суруйуҥ. Алаастарга приветтэ тиэрдиҥ! Билигин II Читаҕа, почтовое отделение Антипино, IV пул. ротаҕа баарбыт.

 

Кундү төрөппуттэрим, табаарыстарым

 

Охсуһуулаах Саҥа дьылы көрсүһэр үөрүүлээх күммэр бу баар курдук дорооболоруҥ!

Дьэ, хайдах олороҕут, суруйбатаххыт ыраатта. Мин бэрткэ сылдьабын. Фроҥҥа кэлбитим икки ыйга чугаһаата. Бүгүн Саҥа дьылы көрсүһэ дэриэбинэҕэ кэлэн биэчэр оҥороору үөрүүлээх күммүтүгэр суруйдум. Онуоха анаан бу кумааҕы ыллыбыт.

Манна дэризбинэҕэ биһигини олус күндүтүк көрсөллөр. Биһиэхэ, разведкаттан төннөн кэлбит дьоҥҥо, кинилэр дьиэлэрэ син бэйэбит дьиэбит курдук.

Сэтинньи 16 күнүгэр суруйбутум, эппиэти олунньуттан күүтүөм. Эһиги хайдах олороргутун билиэхпин олус баҕарабын. Быйыл ханна кыстаатыгыт?

Суруйуҥ, оройуоҥҥут иһигэр туох сонуннар баалларын билэргитинэн, только негоднайы суруйумаҥ, эһиги суруккут манна син проверканан кэлэр.

Адрес уруккутунан сылдьар: Действующая. армия, полевая почта 1462, 108 отдельная развед. рота.

 

Пока быраһаайдарыҥ, эһиги уолгут И. Евсеев. 1/1-42 с.

 

(Бу сурук бүтүүтүгэр Иван Евсеев кэнниттэн биирдии буукубанан сэттэ саха сэрииһиттэрэ илии баттаабыттар).

 

Аҕам, быраатым, ийэм уо.д.а.

 

Күндү төрөппүттэрим уонна табаарыстарым, бука барыгытыгар фроннааҕы уолгутуттан эҕэрдэни тутуҥ!

Мин сылдьабын үчүгэй, билигин саамай инники линияҕа германецтары кытта ыаһахтаһа сылдьабын.

Эһиги хайдах олороҕут, ас-таҥас хайдаҕый? Мин манна кэлбитим үс ыйтан. быдан. орто да, эһигиттэн биир да суругу ьгла иликтгин. Саха сириттэн аҕыйах киһиэхэ сурук кэлэн турар да, уопсай сонуна кыра. Суруй Семен чаастатык, мин ыйытыыларбар барытыгар хардарар курдук. Сүөкүлэ Читаҕа миэхэ үтүлүк тигэн ыыппытыҥ дуо, уонна Читаттан мин кэтэн кэлбит таҥаспын ыыттьшар дуо? Вераҕа мин суруктарым тиийэр ини.

Усулуобуйа ыарахан, хасгыы да хонукка хаарга таах хонор түбэлтэлэргэ түбэстим. Билигин өстөөх арыый чугуруйан үчүгэй буолла.

Семен, миигин биирдэ соҕотохтуу немецтэр эккирэтэн көрдүлэр да сиппэтилэр, ойуурдаах этэ. Тохтотоору хаһыыра-хаһыыра ытан көрдүлэр да, кинилэргэ сэттэтэ тохтуом. Чэ, ити туох буолуой, куруук итинник буолбат, аны бэйэлэрин эккирэтиэхпит.

Табаарыстарбыттан Макаровы көрүстүм. О, хайдах курдук күндүтүк көрсүбүгшүтүй! Передовойга киирэн баран шинелин тэһэ көтүттэрэн баран иһэр эбит. Кини тыыннаах.

Атын оҕолору билбэтим, эһиэхэ суруйаллар дуо? Суруйуҥ. Мин адреһым уларыйа илик, уруккутун курдук: 1462 п/почта, 108 отдельная развед. рота.

 

Миигин кытта Хатырыктан учитель Новгородов Максим Гаврильевич диэн баар, Полищиков — Хатыҥ Арыы (ааҕар балаҕан) баар этэ, араанньы буолан барбыта.

Кинилэри дьонноруттан сураһыаххытын сөп. Мин суругум өр буоллаҕына, мин хойуутук суруйааччыбын, онтон төһөтө тиийэрин билбэтим.

Суруйуҥ, мин бүттүм. Пока, эһиэхэ үтүөнү баҕаран.

 

 Эһиги уолгут И. Евсеев 20/11- 42 с.

 

Милый брат Сеня!

Здравствуйте, дорогие родители и товарищи!

 

Я нахожусь на передовой линии. Себя чувствую хорошо, еще можно драться до победы.

Вы как живете, чем занимаетесь? Я нахожусь на фронте уже четвертый месяц, но до сих пор от вас не получил ни одного письма. Не знаю, почему так получается. Некоторые бойцы получили из Якутска 5-6 писем. Адрес сообщаю в каждом письме. Сейчас немножко изменился (мотопехотный):

2 пулеметному делу, но стал автоматчиком, потому что рота автоматная.

Милый мой брат Сеня, пиши чаще, я не знаю, как вы живете. Таня, передай привет от меня Вере и пишите отдельно.

Я заканчиваю. Желаю всем успехов.

Ваш сын И. Евсеев 28/11-42 г.

 

Сеня, передай привет Сене, Яшке, Ваське, Алеше, Коле, Грише т.е. всем моим оставшимся товарищам.

Таня, ты передай привет Нюте, Насте, Кате, Мане, Моте, Евдокии и др.