РУБРИКАТОР
Свинобоев Архип Игнатьевич
(1916-1943 сс.)
Архип Игнатьевич 4 кылаас үөрэхтээх, ЫБСЛКС чилиэнэ. 1941 с. атырдьах ыйын 28 күнүгэр Нам райсоветыгар архыыпка үлэлии сылдьан сэриигэ ыҥырыллыбыт.
Свинобоев Игнатий Игнатьевич бииргэ төрөөбүт быраата Архип Игнатьевич 1941 с. атырдьах ыйыгар ыҥырыллыбыт. Кини Дьокуускайдааҕы национальнай байыаннай оскуоланы бүтэрэн, офицер званиетын ылан барбыт. Сэрии саамай тыҥааһыннаах, дойду өлөр-тиллэр кэмигэр Сталинград аттыгар разведотделение командирынан сулууспалаабыт. 1943 с. «сураҕа суох сүттэ» диэн «хара сурук» кэлбит. Архип сэриигэ барыан иннинэ, үөрэхтээх буолан, II Үөдэй нэһилиэгин Сэбиэтин бэрэссэдээтэлинэн үлэлээбит. Олох эдэр оҕо киһи ыҥырыллан кэргэн ылбакка, кэннигэр киниттэн билигин кимэ да суох буоллаҕа.
Н. Назарова, А. Лукина,
Н.И. Свинобоев кыргыттара