РУБРИКАТОР
БУОЙУН, БИРИГЭДЬИИР
Сааһын тухары биригэдьиирдээбит киһи аҕыйах буолуо. Иннокентий Петрович Суздалов Намҥа «Соттой» коммуна тэриллиэҕиттэн ылата наар биригэдьиирдиир. Билиҥҥи педучилище олоҕор сыантырдаах «Соттой» колхоз Нэлэгэр киэҥ буолактарыттан сыллата үрдүк үүнүүнү ылаллара.
1938 сыллаахха Хамаҕатта түөрт колхоһа бөдөҥөөн Ленин аатынан тыа хаһаайыстыбатьш артыала буолбуттара. Иннокентий Петрович ол бөдөҥс үйбүт хаһаайыстыба бырабылыан ньатын чилиэнинэн талыллыбыта уонна уруккутун курдук биригэдьииринэн салгыы үлэлээбитэ.
Немецкэй фашистар Советскай Союзка уоран саба түһүүлэрэ элбэх сиэртибэлээх буолбута. Биригэдьиир таб. Суздалов 1942 сыл бэс ыйыгар Советскай Армия кэккэтигэр ыҥырыллан барбыта. Икки сыл хорсуннук сэриилэспитэ уонна ыараханнык бааһыран дойдутугар эргиллэн кэлбитэ. Ийэ дойдуну көмүскээһиҥҥэ үтүөлэрэ «Кыһыл Сулус» орденынан уонна «Германияны кыайыы иһин» медалынан бэлиэтэммитэ. Атаҕынан улаханнык эмсэҕэлээн кэллэр даҕаны, таах тохтоон олорботоҕо, биир дойдулаахтара кэлээтин кытта эмиэ биригэдьиирдииригэр көрдөспүттэрэ. Үлэҕэ умсугуйбуттуу производство командирынан ситиһиилээхтик үлэлээбитэ.
Маҥхааһай, Кыбытыы арыыларга уонча сьы производствоны тэрийсибитэ. Оччотооҕуга комбайн аҕыйаҕа. Өлгөм үүнүүлээх бааһыналары самоскидынан быстаран, учурбалары кылаастаан кыһыны быһа малатыылканан астаталлара. Колхоз 3 №-дээх биригээдэтэ гектартан 20-лии центнергэ тиийэ ылаттаабыта. Сатабыллаах биригэдьиир ити үтүөтүн иһин Бочуотунай грамотанан наҕараадаламмыта.
Кэнники сылларга колхозтарга комплекснай биригээдэлэр тэриллибиттэрэ. Иннокентий Петрович ол биригээдэлэртэн биирдэстэрин салайбыта. Үүтү үксэтиигэ, эти элбэтиигэ, дэлэгэй оту оггооһуҥҥа, туорахтаах культуралартан өлгөм үүнүүнү ылыыга оҕолору бэртээхэйдик салайара.
Ыарахан араанньыта доруобуйатыгар охсон баара-суоҕа 50 саастааҕар биһиги кэккэбититтэн өлөн туораабыта. Олорбуг олоҕун туоһулуур түөрт уолу, түөрт кыыһы хаалларбыта.
Гитлеровскай Германияны кыайыы 23 сылын туолла. Ол кыырыктаах кыргыһыыга хорсуннук охсуспуттар аатгара хаһан да умнуллубат. Биир оннук буойунунан Иннокентий Петрович Суздалов буолар.
И. Васильев