РУБРИКАТОР
РОТА ПАРТОРА
Эрдэ тулаайах хаалбыт 16-лаах сытыы-хотуу уол, Алексей Больницкай, 1930 сыллаахха Хатырык нэһилиэгэр аан бастаан тэриллибит «Кэһэр» диэн тыа хаһаайыстыбаннай артыалга чилиэнинэн киирбитэ. Ити сыл үчүгэй производственнигы, активнай общественнигы, билиигэ-көрүүгэ тардыһааччы Алексейы комсомол чилиэниэн ылбыттара.
1931 сыл саас Алексей Больницкай Хатырыкка «Түмэппий» диэн тыа хаһаайыстыбаннай артыалы тэрийсибитэ. Бу артыалга икки сыл председателинэн үлэлээбитэ. «Кэһэр» уонна «Түмэппий» артьгаллар холбоһон Ворошилов аатынан колхоз буолбуттара. Алексей Прокопьевич суотчуттаабыта. Ити сырыттаҕына Хатырык наспотун председателинэн талбыттара. Наспо былаанын бары көрүҥнэринэн толороро.
Өссө ылсан үлэлиэҕин немецкэй халабырдьыттар сэриинэн саба түһэн аймаабыттара. А. П. Больницкай 1941 сыл от ыйыгар Армияҕа ыҥырыллыбыта. Младшай сержант таб. Больницкай 1941-1946 сс. Забайкальскай байыаннай уокурук 210-с стрелковай дивизиятын 586-с полкатыгар байыаһынан сулууспалаабыта. 1942-1946 сс. эбэтэр армияттан дойдутугар кэлиэр диэри рота парторынан үлэлээбитэ. Парторг коммунистарьш уонна байыастарын ортотугар партийнай-тэрийэр, партийнай-политическай үлэни кыһанан-мүһэнэн тэрийэрэ.
Милитаристскай Японияны утары сэриигэ таб. Больницкай Маньчжурия, Чукалайнор, Хайлар, Цицикар уонна Чанчунь куоратгары босхолуур иһин кыргыһьшларга кьптыбыта. 1946 сыл от ыйыгар төрөөбүт Намыгар эргийэн кэлбитэ.
Кэлиэҕиттэн оройуонугар өр сылларга хаһаайыстыбаннай салайар үлэлэргэ үлэлээбитэ. Оройуоннааҕы заготконтораҕа директордаабыта, райсоюзка председателлээбитэ. Төрөөбүт нэһилиэгэр «Победа» колхозка председателлээбитэ. Кэнники лесхоз лесничэйинэн үлэлии сылдьан кырдьаҕаһынан пенсияҕа тахсыбыта.
Р. Кутуков